Эрчим хүчний хэлтсийн /Energy Department/ www.fueleconomy.gov сайтыг ажиллуулдаг Теннесэгийн их сургуулийн судлаачдын үзэж байгаагаар энэ хэмнэлт нь машины хэлбэр хийц, хэмжээнээс нь хамаарч янз бүр байна гэнэ. Учир нь өндөр хурдтай үед агаарын урсгалын саад улам нэмэгдэх ба энэ нь агаарын урсгалын зүсэх чадвар бүхий хэлбэртэй спорт загварын жижиг машинуудыг бодвол дөрвөлжин том жипүүдэд илүү их нөлөөлөх ажээ. Гэсэн ч хурдны замд бага хурдтай явбал спорт загварын жижиг машинууд хэдийгээр бага ч гэсэн бензин хэмнэх ба ерөнхийдөө бензиний хэрэглээ ямар машинтай байгаагаас хамаарч 7-23 хувь багасах ажээ.

С.Баярсайхан

http://bayaraasacto.blogspot.com/

3G iPad энэ сарын 30-нд худалдаанд гарна.

Apple” компанийн гаргасан iPad таблет компьютерийн утасгүй интернэтийн сүлжээнд холбогдох боломжтой 3G хувилбар хувилбар энэ сарын 30-нд АНУ-ын зах зээлд худалдаалагдаж эхлэх гэнэ. Харин үнийн тухайд 16GB багтаамжтай хувилбар нь 629 ам.доллар, 32GB нь 729 ам.доллар, харин 64GB хувилбар нь 829 ам.долларын үнэтэй байх юм. “Wi-Fi + 3G” хэмээн нэрлээд буй уг загвар нь өмнөх хувилбараас үнийн хувьд арай илүү, учир нь 3G сүлжээнд ашиглах боломжтой болсон тул хэрэглэгчид заавал Wi-Fi холболт гэхгүйгээр интернэтэд холбогдох боломжтой юм. 

iPhone-ийн шинэ үйлдлийн систем гарлаа

С.Цэлмэг

news.mn

2012 оны дэлхийн сүйрлийн тухай таамналыг анх эртний Шумерийн одон орончдын нээсэн Нибира гаригтай холбон тайлбарлаж байсан. Уг гариг дэлхийг чиглэн хурдтай хөдөлж буй нь гариг, дэлхийн мөргөлдөөнийг үүсгэж сүйрлийн шалтгаан болно гэж байв. Анх сүйрэл 2003 оны тавдугаар сард тохионо гэж тооцоолсон байсан. Гэвч тухайн өдөр сүйрэл болох хугацаа ямар ч хувирал, сүйрэлгүй өнгөрөхөд шуугиан дэгдээгчид “ертөнцийн төгсгөл”-ийг 2012 он болгож хойшлуулсан. Цаг хугацаа өнгөрөх тусам сүйрлийн тухай шуугиан цөөнгүй хүнийг сандрааж буйг шуугиан дэгдээгчид анзааран ертөнц сүйрэхээс өөр замгүй болж буй мэт олон янзын хувилбар, таамгийг баримтжуулан, үнэмшилтэй болгон цацаж байв.

Тухайлбал, Майягийн индианчуудын үечилсэн цаг тооны бичиг 2012 онд дууссан нь ертөнц суйрнэ гэсэн үг хэмээн хэсэг тайлбарлав. Мөн Нибира эсвэл Икс гариг бас Эрида гаригууд дэлхийтэй ойртож байгаа нь сүйрэлд хүргэнэ гэж ч шуугисан. Гэвч эдгээр нь бүгд адилхан домог гэж эрдэмтэд дүгнэсэн байна. Хэрэв огторгуйн дээрх биетүүд үнэхээр байсан бөгөөд дэлхийд аюул учруулахуйц бол одон орончид хэдийнэ ажиглан судлах нь гарцаагүй. Тийм том хэмжээтэй огторгуйн биетийг өнөө үед “зэвсэглээгүй” нүдээр ч ажиглан харах боломжтой. Жирийн хүмүүс болон мэргэжлийн одон орончид ч огторгуйн зүгээс ямар нэг аюулт биетийг олж хараагүй. Энэ нь тийм зүйл байхгүй учир ямар ч муу зүйл тохиолдохгүй гэсэн үг.

Харин Эридагийн хувьд, ийм гариг үнэхээр байдаг. Гэхдээ уг гаригаас айн санаашрах зүйлгүй. Эрида нь нарны аймгийн хамгийн алслагдсан хязгаар дээр оршдог одон гариг. Биднээс тэрбум км-ийн алсад оршдог.

Тэрбум жилийн хугацаанд ч Майячуудын цаг тооны бичигтэй холбоотой таамналыг судалж үзэх юм бол бусад хуанлийн л адил тодорхой цаг хугацаан дээр төгссөн нь ойлгомжтой. Та ханандаа өлгөсөн хуанлигаа хар даа. Магадгүй 2010 оны 12-дугаар сарын 31-нд дуусч байгаа байх. Гэвч цаг тооны бичгийн хугацаа дуусахад хүн төрөлхтний амьдрал дуусгавар болно гэсэн санаа хэний ч толгойд орохгүй нь лав. Майячууд ч дуусашгүй үргэлжлэх хуанли зохиож чадаагүй нь мэдээж. 2012 оны 12 дугаар сарын 21-нд тэдний зохиосон хуанлийн ээлжит үечлэл л дууссан. Харин дараа нь хуанли яг л танайд байгаа шиг үргэлжлэх ёстой байсан. Туйлуудын өөрчлөлтийн дүнд дэлхийн төв 180 градус хүртэл эргэж болох аюулыг ч НАСА-ийн эрдэмтэд үгүйсгэжээ. Дэлхийн ротаци болох боломжгүйг эрдэмтэд батлан өгүүлсэн байна. Дэлхийн соронзон талбайн туйлшралт жам ёсоороо өөрчлөгдөж буй. Туйл 400 мянган жил тутамд өөрчлөгддөг. Гэхдээ эл өөрчлөлт дэлхийн амьдралд ямар ч “гэмтэл” учруулахгүй. Ямар ч тохиолдолд ойрын мянган жилд өөрчлөлт гарахгүй гэж тооцоологдсон байна.

Нарны хүчит шуурганы аюул яах бол? Бас л магадлал багатай. Нарны идэвхжил ойролцоогоор 11 жилийн хугацаатайгаар тогтсон үечлэлээр явагддаг.

Идэвхжлийн оргил үед наран дээрх шуурганы хүч хүчирхэг, аюултай болж болох талтай. Шуурганы хүчин чадал хиймэл дагуулуудын төхөөрөмжийн үйл ажиллагаанд саад учруулж, гэмтээх.ч чадвартай. Гэхдээ ийм сүйрэл боллоо гэхэд 2012 онтой ямар ч хамааралтүй. Шинжээчдийн тогтоосноор нарны хамгийн ойрын идэвхжил 2013 онд тохиох бөгөөд онцгой аюулыг дагуулах төлөвгүй байгаа аж. Урьд өмнө тохиолдож байсан олон шуурга шиг л мэдрэгдэх зүйлгүй болж өнгөрөх гэнэ.

Хамгийн сүүлийн шуугиан болох огторгуйн биетийн цохилт үлдэж байна. Яагаад заавал 2012 онд гэж? Дэлхий оршин тогтнож буй бүхий л хугацаанд төрөл бүрийн хэмжээтэй огторгуйн биет, сүүлт од, солирын цохилт дэлхий дээр олон удаа тохиолдож байсан ч аюулд хүргэх хэмжээний томоохон цохилт ховор болж байсан түүхтэй. Хамгийн сүүлийн томоохон цохилт 65 сая жилийн өмнө тохиолдсон гэдэг бөгөөд үүний уршгаар динозаврын сүрэг мөхөлд хүрсэн гэж үздэг. Эрдэмтэд энэ талын түгшүүрийг ч үл ойшоосон байна. Өнөө үед одон орончид дэлхийн ойролцоохь огторгуйн биетүүдийг ажиглан, байнгын мониторинг явуулж байдаг. Тэгээд ойрын үед динозаврыг сүйрэлд хүргэсэн шиг тийм том объект унаж аюул нүүрлэхгүйг батлан үзүүлсэн ажээ.

Түүнчлэн НАСА-ийн албан ёсны цахим хуудсаар тогтмол зочилж “NEO” хөтөлбөрийг байнга үзэж байхыг эрдэмтэд зөвлөжээ. Яагаад гэвэл уг хуудас өдөр бүр шинэчлэгдэж огторгуйн томоохон биет биднийг чиглэн хөдөлж буй эсэхийг цаг алдалгүй мэдээлж байх гэнэ. Тиймээс ирээдүйдээ итгэлгүй байгаа хүн бүр НАСА-ийн цахим хуудсыг сонирхож түгшин сандрах шаардлага буй эсэхээ баталгаажуулаарай хэмээн зөвлөжээ. Эцэст нь ертөнцийн сүйрлийн талаархи бүхий л мэдээллүүд шинжлэх ухааны баталгаагүй, тодорхой, үнэн зөв баримтгүйг эрдэмтэд онцлон хэлсэн баййа. Мөн сүйрлийн тухай хэдэн зуун кино, ном, сэтгүүл, нийтлэл гарсан ч гэсэн эрдэмтдийн гаргасан баримт өөрчлөгдөхгүй хэвээр үлдэнэ гэдгийг анхааруулжээ. Тиймээс шуугиан дэгдээхийг сонирхогчдын зүгээс гарч буй бүхэн зөвхөн хүмүүсийн “тархи угаагч” мэдээллүүд юм. Шинжлэх ухаанаар баталгаажсан ямар ч аюул нүүрлэхгүй, тэр тусмаа 2012 онд юу ч тохиолдохгүйг НАСА-ийн эрдэмтэд хүн төрөлхтөнд мэдээлж байна.

Ц.Мөнхжаргал

Үнэн сонин

“Эм, бэлдмэлээ тогтмол хэрэглэхээ больсон өвчтөнүүдэд ДОХ-ын вирус эрт, орой хэзээ нэг цагт заавал эргэн сэргэж, “үйл ажиллагаагаа” үргэлжлүүлж эхэлнэ. Нөхцөл байдлыг сайн тал руу нь өөрчилье гэвэл ямар эсүүд халдвар тээн бие махбодиор ангуучилдгийг нь таних хэрэгтэй байна” гэж судалгаа хийж буй эрдэмтэн Кэтлин Коллинс ярьжээ. Мэргэжилтнүүд вирус тээн зугтагч ямар нууцлагдмал эсүүд байдгийг тодруулах зорилго тавьжээ. Тэгэхэд Т-цусны цагаан бөөмүүд гэгч дархлааны үүсэлд хариу өгөгч цусны эсүүд вирус тээн нууцлагдмал оршдог нь илэрчээ. Харин эл нээлтээс өмнө мэргэжилтнүүд өвчний вирус нуугддаг өөр “агуулах” бий гэж үздэг байсан. Мөн зөвхөн Т-бөөмүүдэд ч бус чөмөгний үндсэн эсэд нуугддаг болохыг ч илрүүлжээ. Вирусүүд эдгээр эсийн дотор нуугдан эмчилгээ дуусах хүртэл ямар ч мэдрэмжгүйгээр амран тухалдаг аж. Үнэндээ, вирусын эсрэг эм түүнийг шинэ эсэд шурган орж үүрлэх чадваргүй болгодог ч курс эмчилгээний хугацаа дуусах үед вирус дахин сэргэдэг. Дахин сэргэхдээ “эзэн” эстэйгээ хамт өмнөхөөсөө хэд дахин их болон үрждэг аж. Цаашид эрдэмтэд өвчтөнийг эмчилгээ хийлгэн, эм бэлдмэл хэрэглэж байхад ичилтийн байдалд орон унтаж байдаг вирус бүхий үндсэн эсүүдийг хэрхэн сэрээж, хөнөөх тал дээр ажиллах юм байна. Мичиганы эрдэмтдийн явуулсан уг судалгаа өвчтөнүүдийн эмчилгээний зардлыг харьцангуй багасган хөнгөвчлөх шинэ замыг нээж байгаа бөгөөд ядуу буурай орны сая сая өвчтөнүүдэд чухал ач холбогдолтой юм.

Эрдэмтдийн судалгааны ажлын талаар К.Зверев:

-Америкийн эрдэмтдийн уг нээлт өмнө нь судлагдаж, танигдаагүй олон талын ач холбогдолтой гэдэг нь илт байна. Тэгэхээр одоо ДОХ-ын халдвартай өвчтөнүүдтэй ажиллахад илүү хялбар болж байгаа юм. Өмнө нь мэргэжилтнүүд өвчтний эсэн дэх вирусыг олшруулалгүй, хаалт тавих арга хэмжээг л авдаг байсан. Харин одоо халдварын вирусын тухай илүү тодорхой мэдлэгтэй болсон тул нарийн тохирсон эмчилгээг өвчтөн тус бүрт явуулж, амьдралыг нь уртасгах боломж нээгдлээ. Түүнээс гадна ДОХ-ын халдвар авсан хүмүүсийг эрт үед нь илрүүлж, ихийг амжуулах боломжийг шинжлэх ухааны шинэ алхмууд олгосоор байгаа. Гепатит В, С вируст өвчнүүд саяхныг хүртэл эмчлэгдэшгүй хэмээн тооцогдсоор ирсэн. Гэтэл өнөөдөр ийм вирусын гаралтай өвчний эмчилгээ үр дүн сайтай нь нотлогдсон. Магадгүй ойрын ирээдүйд эрдэмтэд ДОХ-ын вирустэй эрчимтэй тэмцэж, үгүй хийж чаддаг болох буй заа.

inet.mn

"iPad" нь 9.7 инчийн бүрэн мэдрэгчтэй дэлгэцтэй учир хэрэглэгчид төхөөрөмжийн бүхий л функцыг гараараа удирдаж болох ба хэрэв хүсвэл компьютерийн гар залгасан ч болно. Компанийн зүгээс баттерейны хүчин чадлыг нэгэн удаагийн бүрэн цэнэглэлтээр 10 цаг цэнэгээ барина хэмээн танилцуулсан байна.

Хамгийн хямд үнэтэй "iPad" нь 16GB флэш меморитой, Wi-Fi холболт ашиглах боломжтой ба 499 ам.долларын үнэтэй юм. Харин хамгийн үнэтэй нь 64GB багтаамжтай, үүрэн телефоны 3G сүлжээг ашиглан интернэтэд холбогдох боломжтой бөгөөд 829 ам.долларын үнээр борлогдах ажээ.

С.Шүр

news.mn

Үзүүлэлтийн хувьд “Nexus One” нь 480х800 цэгийн нягтаршил бүхий 3.7 инчийн мэдрэгчтэй дэлгэцтэй, “супер хурдан” гэж болох 1GHz Snapdragon процессортой, LED гэрэл бүхий 5.0 мегапиксель камертай, GPS болон луужинтай, өөр дээрээ 512МВ санах ойтой бөгөөд 32GB хүртэлх багтаамжтай мемори картыг дэмжиж ажиллах гэнэ. Түүнчлэн баттерейг хэмнэх зорилгоор орчны гэрлийн тод бүдгийг мэдэрч, улмаар дэлгэцийн гэрэл тухайн орчинд хамгийн тохиромжтой байдлаар гэрэлтэх ажээ. Харин хэмжээний тухайд 119х59.8х11.5 мм, 130 гр жинтэй юм.

С.ШҮР

news.mn